Kazakhmys Smelting компаниясының Балқаш мыс балқыту зауытында мыс балқыту цехының негізгі агрегаттарының бірі саналатын №1 Ванюков пешіне жоспарлы күрделі жөндеу жұмыстары аяқталды. Мұндай жұмыстар әрбір бір жарым жыл сайын жүргізіліп, жабдықтардың сенімді жұмысын қамтамасыз етуге, технологиялық процестердің тұрақтылығын сақтауға және өндірістің үздіксіз жұмысын қолдауға бағытталған.
№1 Ванюков пеші зауыттың өндірістік циклінде маңызды орын алады және тәулігіне 350 тоннадан астам штейн өңдейді. Агрегаттың тұрақты жұмысы кәсіпорынның өндірістік көрсеткіштерінің орындалуына және өндіріс тиімділігіне тікелей әсер етеді.
Бір айға созылған жөндеу науқаны барысында жабдықтарды жаңарту және қалпына келтіру бойынша ауқымды жұмыстар атқарылды. Мамандар пештің металл конструкциялары мен технологиялық элементтерін ауыстырып, оның қауіпсіз әрі тиімді жұмысын қамтамасыз ететін бірқатар тораптар мен механизмдерді жаңғыртты.
Жобаны іске асыруға зауыт бөлімшелері мен мердігер ұйымдарды қоса алғанда шамамен 15 ұйым қатысты. Барлық қатысушылардың үйлесімді жұмысының нәтижесінде жөндеу тәулік бойы жүргізіліп, белгіленген мерзімнен бұрын аяқталды.
Жөндеу жұмыстары аяқталғаннан кейін мамандар жабдықтың техникалық жағдайын тексеріп, негізгі жүйелерге сынақ жүргізді. Атқарылған жұмыстар агрегаттың сенімділігін арттырып, өндірістік процестердің тұрақтылығын қамтамасыз етуге және қызметкерлер үшін қауіпсіз еңбек жағдайларын жақсартуға мүмкіндік береді.
Жоспарлы күрделі жөндеу Kazakhmys Smelting компаниясының өндірістік қуаттарды жаңғыртуға және кәсіпорынның тиімді әрі тұрақты жұмысын қамтамасыз етуге бағытталған жүйелі жұмысының кезекті кезеңі болды.
№1 Ванюков пеші зауыттың өндірістік циклінде маңызды орын алады және тәулігіне 350 тоннадан астам штейн өңдейді. Агрегаттың тұрақты жұмысы кәсіпорынның өндірістік көрсеткіштерінің орындалуына және өндіріс тиімділігіне тікелей әсер етеді.
Бір айға созылған жөндеу науқаны барысында жабдықтарды жаңарту және қалпына келтіру бойынша ауқымды жұмыстар атқарылды. Мамандар пештің металл конструкциялары мен технологиялық элементтерін ауыстырып, оның қауіпсіз әрі тиімді жұмысын қамтамасыз ететін бірқатар тораптар мен механизмдерді жаңғыртты.
Жобаны іске асыруға зауыт бөлімшелері мен мердігер ұйымдарды қоса алғанда шамамен 15 ұйым қатысты. Барлық қатысушылардың үйлесімді жұмысының нәтижесінде жөндеу тәулік бойы жүргізіліп, белгіленген мерзімнен бұрын аяқталды.
Жөндеу жұмыстары аяқталғаннан кейін мамандар жабдықтың техникалық жағдайын тексеріп, негізгі жүйелерге сынақ жүргізді. Атқарылған жұмыстар агрегаттың сенімділігін арттырып, өндірістік процестердің тұрақтылығын қамтамасыз етуге және қызметкерлер үшін қауіпсіз еңбек жағдайларын жақсартуға мүмкіндік береді.
Жоспарлы күрделі жөндеу Kazakhmys Smelting компаниясының өндірістік қуаттарды жаңғыртуға және кәсіпорынның тиімді әрі тұрақты жұмысын қамтамасыз етуге бағытталған жүйелі жұмысының кезекті кезеңі болды.
