Әлібек Қуантыров "Kazakhmys Smelting" құрамына кіретін Жезқазған мыс балқыту зауытының жұмысымен танысты.
Министр анод бөлімшесіне барып, толық автоматтандырылған - мысты жандырып тазарту үдерісімен танысты.
Кәсіпорын 497 мың тонна көлемінде мыс концентратын және жылына 178 мың тонна катодты мыс өндіреді. Сондай-ақ," Kazakhmys Smelting " алтын, күміс, күкірт қышқылы, мыс катанка және эпальпровод шығарады.
Мысалы, 2022 жылы катодты мыс өндірісінің жалпы көлемі 345 мың тоннаны, 9.3 тонна алтынды, 308 тонна күмісті, 9.7 тонна мыс сымды және 2.2 тонна сымды құрады.
Жезқазған мыс балқыту зауытында 2 мыңнан астам адам тұрақты жұмыс орындарымен қамтамасыз етілген.
Металлургтердің орташа жалақысы айына 518 мың теңгені құрайды.
Сондай-ақ, Әлібек Қуантыров катодтық учаскеде болып, электролиздік ванналардағы мысты электролиттік тазарту процесімен танысты.
«Kazakhmys Smelting» бас директоры Жәнібек Байғабылов зауытты жаңғырту, түпкілікті өнімді келесі қайта бөлуді іске қосу жоспарлары және газбен қамтамасыз ету тапшылығымен және тиеп жөнелту үшін жабық вагондарды тұрақты берумен байланысты проблемалық мәселелер туралы айтып берді.